Waun a si tummön muass, san olle Aumpön rod

waun a sei Ruah wü, mocht wer an Bahöö,

waun ar a Bradl b’stööt, kriagt a nuar an Salod,

waun ar in Essig suacht, findt a nua’s Öö.

Des Glick is a Vogerl,

und des Vogerl a Hund.

Dar Hund is a Krot,

de eahm goa nix vargunnt.

De aundan tschechan,

ea zoid de Zech’,

ea hod hoid ka Maasn,

ea hod hoid a ...

Waun a si woschn wü, drahn s’ eahm es Wossar au,

waun ar in d’ Sunn geht, faungt’s glei au ins waschln,

waun ar an Huad aufsetzt, waht eahm da Wind davoo,

waun ar in Kino huckt, tan d’ Nochboan raschln.

Des Glick is a Vogerl,

und des Vogerl a Hund.

Dar Hund is a Krot,

de eahm goa nix vargunnt.

Ea foat in Oasch,

d' aundan noch Lech,

ea hod hoid ka Maasn,

ea hod hoid a ...

Waun ar an Wei aufmocht, reißt’s eahm in Stoppö au,

waun ar auf d’ Tramway woat, kummt s’ ned dahea,

waun ar auf Meidling muass, daun laundt ar in Stadlau,

waun a Juchee wü, kriagt a nua Patea.

Des Glick is a Vogerl,

und des Vogerl a Hund.

Dar Hund is a Krot,

de eahm goa nix vargunnt.

De aundan hoin’s Goid,

eahm bleibt des Blech,

ea hod hoid ka Maasn,

ea hod hoid nua oiwäu

nua oiwäu ...